Gecənin sahibsiz küçə sakinləri

Gecəyarı Gəncənin Heydər Əliyev prospektindəki “Tekstilni” deyilən ərazidən keçənlərə Zaur və Familənin məshum baxışları yaxşı tanışdır. Azyaşlı bacı-qardaş yol kənarında dayanıb, gedib-gələnlərdən pul istəyirlər. Prospekt boyunca sürətlə şütüyən avtomobillər onların həyatı üçün təhlükə yaradır. Yaxınlıqdakı çay evinin “Cip”lərdən düşən varlı müştəriləri onlara çox nadir hallarda pul verirlər. Hətta onlara bağırıb, ərazidən qovanlar da tapılır, dərdinə yanıb, qəpik-quruş verənlər də. Ata və analarının sağ olduğunu deyən bu iki körpə “evi dolandırmaq” üçün hər gecə “iş başındadırlar”. Məktəb formaları olmadığı üçün məktəbə getmədiklərini deyirlər.Azyaşlılar bu dəfə də oradan keçəndə yaxınlaşıb pul istədilər, şəkil çəkməyimə və videomüsahibə hazırlamağıma razı oldular.

Video müsahibəni təqdim edirəm.

Zaur və Familənin taleyini yaşayan növbəti qəhrəman 8 yaşlı Aytacdı.

Düzü, bu bala qızcığazı müxtəlif yerlərdə çox görmüşəm. Gecə də, gündüz də şəhərin müxtəlif yerlərində dilənən bu qız gah mənə adını Aytac, gah Saşa gah da Gülər kimi təqdim edib. Görünüşündən və üz cizgilərindən tipik rus uşaqlarını xatırladan Aytac yuxarıda gördüyünüz “küçə sakinləri” kimi danışamağa elə də meyl göstərmir.Amma danışdırıb bir-iki kəlimə soruşa bilirəm.

Bu Gəncədə gecə və gündüz dilənən 100-lərlə uşaqlardan sadəcə iki nümunədir. Gecənin sahibsiz küçə sakinlərini özləri və həyatları ilə bağlı heç nə qorxutmur, amma cəmiyyəti artıq bu cür hallar qorxutmalıdır. Ən azı gələcəkdə cəmiyyət üçün təhlükəli insan yetişdirməmək naminə.

Ssuusss! Dərs gedir!

Samux rayon İnstitut qəsəbəsindəki orta məktəb.

 

N.Gəncəvi və şəhərdə yaşamaq mədəniyyəti

no comment

 

Gəncə ş. 22 noyabr 2012-ci il

Gəncədə Aşura mərasimi – 2012-ci il

Gəncədə aşura günü əhali sıxlığı müşahidə olunub. Gəncədən, ətraf rayonlardan və eləcə də paytaxt Bakıdan gələn insanlar Gəncədəki İmamzadə Kompleksini ziyarət ediblər. Dini ayinlər zamanı hər hansı qarışıqlıq yaranmaması üçün Gəncə polisi gücləndirilmiş rejimdə çalışıb. Bununla belə ayinlər zamanı “sinədöyənlər”ə də rast gəlinib.

Qafqaz Müsəlmanları İdarəsinin qərb zonası üzrə səlahiyyətli nümayəndəsi Hacı Tahir Abbasov isə bu cür hərəkətləri pislədiyini deyib.

Tahir Abbasov

Bidətliklər, özünüvurma bədəninə xəsarət yetirmək, canında hansısa hər hansı bir xəsarət yetirmək olmaz. Bir başqasını narahat etmək olmaz. Gərək biz bu tədbirləri yüksək səviyyədə keçirək necə ki öz əzizlərimizə yas saxlayırıq. Ondan da daha alisini İmam Hüseyn ə.s. üçün keçirək  –  deyib, T.Abbasov.

Gəncədəki aşura mərasiminə İrandan olan ziyarətçilərə də rast gəlinirdi. Həmçinin bu gün şəhərin müxtəlif yerlərin ehsan süfrələri açılıb. Bununla belə İmamzadə Ziyarətgahında inanclıların “batil inanclar” adlandırdığı qarabağlama, yaylıqbağlama, qənqyapışdırma kimi hadisələr də müşahidə olunub. Şəhər daxili və İmamzadə Kompleksinə gedən yollarda avtomobil tıxacları olub. Aşura günü Gəncədə də qanvermə aksiyası keçirilib. Mərkəzi Qan Bankının Gəncədəki bölməsində keçirilən aksiyada könüllü iştirak 300-dən çox adamdan qan götürülüb.

Bu slaydşou üçün JavaScript lazımdır.

Olmayan sosial işçilər

Xoca filmi – məhəbbət və müharibənin paralelliyi

Gəncədə Xocalı soyqırımı hadisələri əks etdirən “Xoca” filminin premyerası keçirilib. Tamaşaçılar tərəfindən böyük maraqla qarşılanan filmin daha 6 gün nümayiş etdirilməsi nəzərdə tutulur.

Gəncənin Dövlət Dram Teatrında premyerası baş tutan filmin ilk nümayişi günü teatrın zalı tamaşaçı ilə dolu idi. Xocalı soyqırımı ərəfəsində Qarabağda və Bakıda baş verən paralel hadisələri göstərən filmin süjet xətti Ələkbər və Günel adlı gəncin sevgi səhnələri ilə başlayır. Vətənin müdafiəsi üçün Xocalıda döyüşən Əkbər öz toyuna gələ bilmir və Günelin təkbaşına Bakıda toyu olur. Bu ərəfədə erməni silahlı qüvvələri tərəfindən silahsız Xocalılara – dinc sakinlərə divan tutulur. Müdafiəsi zəif təşkil olunmuş Xocalı ermənilərin əlinə keçir. Sücaət göstərən Əkbər sevgisinə qovuşa bilmir və şəhid olur.  Ertəsi gün mətbuat Xocalıda yalnız 2 nəfərin həlak olduğu haqqında məlumat yayır. Sevgilisinin hələ də sağ olduğu və Bakıya dönəcəyinə ümid edən Günel sevincək Əkbəri qarşılamağa getsə də ona Əkbərin şəhid olduğu xəbəri verilir. Qarabağda Əkbərin qardaşı oğluna Günelə çatdırması üçün erdiyi Xoca üzüyü isə ona çatdırılır. Günelə bu sevgidən qalan da elə Xoca üzüyü olur. Xocalı hadisələrinin necə baş verdiyini canlandıran film döyüş səhnələri ilə zəngindir. Gəncədəki tamaşaçılar arasında filmi gözyaşları ilə seyr edənlər az olmayıb.

Tamaşaçının fikrini 102 dəqiqə ərzindı gərginlikdən məhəbbətə, məhəbbətdən müharibəyə yönəldən filmin çəkilişləri Yevlax, Bakı və Şəkidə aparılıb. Gəncə Dövlət Dram Teatrından verilən məlumata görə, premyerada tamaşaçılar filmı gözləniləndən artıq maraq göstərib. Ona görə də nümayişlər bir neçə gün davam edəcək.

BakıFilm-in istehsalı olan Xoca filminin quruluşçu rejissoru və ssenari müəllifi Vahid Mustafayev, baş prodüseri isə Mirşahin Ağayevdi. Filmin büdcəsi 700-min manata yaxındı.

Qeyd edim ki, film bir neçə gün Gəncə Dövlət Dram Teatrında nümayiş olunacaq. Seanslar hər gün saat 15:00-da başlayır.

Müəllimin rüşvətlə bağlı qalmaqalı

Gəncə Dövlət Universitetinin Ümumi Fizika Kafedasının müəllimi olmuş F.Hacıyev təhsil ocağındakı rüşvətxorluq haqqında şikayət etdiyi üçün işdən çıxrıldığını deyir. Videoreportaj ANS TV-nin “Xəbərçi” verilişi üçün hazırlanıb və 16 fevral 2012-ci ildə efirdə yayımlanıb.